Azərbaycan dili fənni üzrə monitorinq keçirildi
29.02.2024-cü il tarixində Bakı Şəhəri üzrə Təhsil İdarəsinin təlimatına uyğun olaraq məktəbin 4,6,7,8-ci siniflərdə Azərbaycan dili fənni üzrə monitorinq keçirildi.
Monitorinq zamanı şagirdlərin dinləyib-anlama (5 tapşırıq), oxuyub-anlama (10 tapşırıq) və yazı (1 tapşırıq) bacarıqları ölçülüb və hər üç məzmunun nəticələri müəyyən olunacaq.
Qeyd edək ki, BŞTİ-nin Təhsilin keyfiyyətinə nəzarət sektorunun təşkilatçılığı ilə Azərbaycan dili fənni üzrə yazılı keçirilən monitorinqin əsas məqsədi dövlət dilinin tədrisi vəziyyətinin ölçülməsi, şagirdlərin dinləyib-anlama, oxu və yazı bacarıqlarının yoxlanılması, onlarda bilik və bacarıqların formalaşma səviyyəsinin müəyyənləşdirilməsi və tədrisin keyfiyyətinin daha da artırılmasına nail olunmasından ibarətdir.
Monitorinqin gedişi məktəbin direktoru və direktor müavinləri tərəfindən izlənilmişdir.
