Qaraca qız əsərinin təhlili aparıldı
Süleyman Sani Axundovun "Qaraca qız" əsəri həm sənətkarlıq, həm də məzmun baxımından Azərbaycan uşaq ədəbiyyatının nadir incilərindəndir. Əsər məktəb yaşlı uşaqların psixoloji tərbiyəsində mühüm əhəmiyyətə malikdir. Bu cəhətlərini nəzərə alaraq Bakı şəhəri 81 nömrəli tam orta məktəbin rus dili və ədəbiyyat müəllimi Aygün Məhərrəmovanın təşkilatçılığı ilə 5 "E" sinfində "Qaraca qız" əsərinin təhlili aparılmış, əsərdəki qəhrəmanların mənfi və müsbət cəhətləri müzakirə olunmuş, filmdən qısa bir fraqment izlənilmişdir.
