Ey hörmətli müəllim
Müəllimlik sənəti sənətlər arasında ən şərəflisi olduğu qədər də ən çətinidir. Bu sənətin nümayəndələri olan müəllimlər keşməkeşli, enişli-yoxuşlu yollarla irəliləyir, vətənə, xalqa layiq övladlar yetişdirmək kimi çətin bir missiyanı həyata keçirirlər. Əbəs yerə deyildir ki, ümumxalq liderimiz Heydər Əliyev müəllimlik sənətini yüksək qiymətləndirmiş, onlar haqqında öz fikirlərini “Mən dünyada müəllimdən yüksək ad tanımıram” kəlmələri ilə ifadə etmişdir. Azərbaycan Respublikasının Prezidenti İlham Əliyev də müəllimlərin zəhmətini yüksək qiymətləndirir, onları fəxri adlarla təltif edir. Belə fədakar müəllimlərdən biri də məktəbimizin direktoru Nazir Əliyevdir. Nazir müəllim də Prezidentimiz tərəfindən “Əməkdar müəllim” adı ilə təltif olunmuşdur. Bu münasibətlə bütün kollektivimiz adından səmimi qəlbdən təbrik edir, bu şərəfli işdə uğurlar arzulayırıq.
