İfadəli qiraəti öyrənək
Gənc nəslin ədəbi təhsilində , tərbiyəsində və inkişafında böyük rolunu nəzərə alaraq , eyni zamanda məktəb proqramlarında şagirdlərin emosional mənəvi-estetik inkişafında müsbət təsir göstərən ifadəli oxu bacarıqlarını məktəblilərə aşılamaq məqsədilə 306 nömrəli məktəbin kitabxana müdiri K.İbrahimova və 1-4 -cü sinfin rəhbərləri kiçik yaşlı məktəblilər ilə oxu saatları təşkil etdilər.
1-ci sinif şagirdləri ilk növbədə məktəb kitabxanası və maraqlı nağıl qəhrəmanları ilə tanış oldular. 2-ci siniflər üçün dinləyib-anlama, 3-4-cü sinif şagirdlərində oxuyub-anlama bacarıqlarının inkişafı üçün maraqlı nağıllar oxusu təşkil edildi. Məktəblilərə aşağı siniflərdən xeyirxahlığı təbliğ etmək üçün "Yaxşılığa yaxşılıq hər kişinin işidir, yamanlığa yaxşılıq ər kişinin işidir", mövzusunu özündə əks etdirən "Meşə Kralı", "Sehirli torba" və digər nağıllar oxundu. 7-ci sinif şagirdləri üçün isə S.S,axundovun "Nurəddin" əsərinin oxusu və müzakirəsi təşkil edildi. Eləcə də , məktəbliləri tanış etmək üçün kitabxanaya daxil olan yeni kitabların da sərgisi təşkil edildi.
