Heydər Əliyev və müstəqilliyimiz
Azərbaycanın Ümummilli Lideri, dünya şöhrətli siyasətçi H.Əliyevin həyat və fəaliyyətinin azərbaycançılıq məfkurəsinin və müstəqilliyimizdəki danılmaz xidmətlərinin uşaq və yeniyetmələr arasında geniş təbiliğ edilməsi məqsədilə 27.11.2023-cü il tarixində məktəbimizin kitabxanasında "H.Əliyev və Azərbaycanın müstəqilliyi " mövzusunda "dəyirmi masa" keçirildi. Azərbaycan Respublikasının Dövlət Himni səsləndirildikdən sonra Ulu Öndərin müstəqillik haqqında söylədiyi kəlamlarını özündə əks etdirən videoçarx nümayiş etdirildi. Tarix müəllimi Qadir Fətullayev Azərbaycanın keçdiyi keşməkeşli müstəqillik yolundan , xalqımızın mübarizliyindən, Ulu Öndərin böyük çətinliklərə sinə gərərək bu müstəqilliyimizi qoruyub saxlamasından və Ulu Öndərin siyasi kursunun davamçısı İlham Əliyevin dövlətçiliyimizin inkişafı üçün səylə çalışdığından , yüksək idarəetmə qabiliyyətindən söz açdı. Onun əmri ilə Qarabağda Vətən müharibəsinə başlanılması və bu savaşda Azərbaycanın tam müstəqilliyə qovuşmasından danışdı. Sonra isə dəyirmi masada iştirak edən 7-9-cu sinif şagirdləri müstəqilliyimizin tarixi haqqında söhbət açdılar.