Məktəbəhazırlıq siniflərində ilk dərs
Bu gün 02.10.2023-cü il tarixində dövlət ümumtəhsil məktəblərində yaradılan məktəbəhazırlıq qruplarında dərslərin təşkilinə start verildi.
Bununla əlaqədar olaraq 306 nömrəli tam orta məktəbin həyətində də bir canlanma var idi. İlk dəfə məktəb həyatına qədəm qoyan şagirdlər arasında həvəslə parta arxasına keçən , müəllimlərlə tez bir zamanda ünsiyyət yaradan şagirdlərlə yanaşı ağlayaraq analarının əllərini buraxmayan körpələr də var idi. Bu cür uşaqlarla məktəb pisixoloqu psixoloji söhbət apararaq sakitləşdirir, onları məktəbə adaptasiya etməyə çalışırdı və çox hallarda buna nail olurdu.
Mıktəb kollektivi adından bu körpələrə təhsil həyatında uğurlar arzulayırıq. Yolunuz açıq olsun, əziz körpələrimiz.
