Şəhidlər Xiyabanı
1990-cı il yanvarın 19-dan 20-nə keçən gecə zirehli texnika və müasir silahlarla təchiz olunmuş sovet ordusunun əsgərləri Azərbaycanda misli görünməmiş cinayət törətmişlər. Azadlıq uğrunda küçələrə
çıxmış əliyalın insanları qanlarına qəltan etmiş, uşaqları, qocaları, qadınları vəhşicəsinə öldürmüşlər. Buna baxmayaraq, onlar bizim azadlıq, müstəqillik uğrunda mübarizə əzmimizi qıra bilməmişlər. Artıq bu hadisədən 29 il ötmüşdür. Hər il minlərlə insan bura gələrək, onları yad edir, öz ehtiramını bildirirlər. Bura bizim şərəf, qurur yerimizdir. Bu gün orada uyuyan insanlar bizim bugünkü müstəqilliyimiz uğrunda şəhid olmuşlar. Allah onlara rəhmət etsin!
