“Xocalı faciəsi”nə həsr olunmuş açıq dərs
26 fevral 2015-ci il xalqımızın tarixində ən dəhşətli günlərdən biri olan Xocalı faciəsinin ağrılarını yaşadıq.Bu gün 23 ildir ki, sızlayan yaramızın qaysağını yenidən qopardıq. Bu hadisə bütün türk dünyasının tarixi faciəsi oldu. Xocalı faciəsini törətməklə ermənilər azərbaycanlılara qarşı vəhşiliklərini bütün dünyaya nümayiş etdirdilər. Açıq dərsdə Xocalının dəhşətli səhnələrini əks etdirən video çəkilişlər nümayiş etdirildi. Şagirdlər Xocalıya aid yazılan qəmli, hüznlü şeirləri söylədilər. Xocalıda qəhrəmanlıqla şəhid olan milli qəhrəmanlarımızın xatirəsi yenidən yad edildi.