"Dəyərlərimizi qoruyaq" layihəsi çərçivəsində təşkilat saatları keçirildi
Bakı Şəhəri üzrə Təhsil İdarəsi tərəfindən təhsilalanları milli-mənəvi dəyərlərə məhəbbət ruhunda tərbiyə etmək, şagirdlərdə yaradıcı düşüncə meyillərini gücləndirmək və dəyərlərimizi qorumaq məqsədilə “Dəyərlərimizi qoruyaq!” layihəsinə start verilib.
Layihə çərçivəsində ümumi təhsil müəssisələrində “Heydər Əliyev İli”nə həsr olunmuş tədbirlərin təşkili, “Heydər Əliyev və milli-mənəvi dəyərlərimiz”, “Milli-mənəvi dəyərlər və müasirlik” mövzularında şagird təqdimatlarının, məqalələrin hazırlanması, “Kiçik Akademiya”larda konfransların keçirilməsi, məktəblilərin tarixçilərlə görüşləri nəzərdə tutulur. Eyni zamanda layihə çərçivəsində Novruz bayramına həsr olunmuş tədbirlər, “Açıq dərs”lər, sinif təşkilat saatları, “Dəyirmi masa”, diskusiya, mühazirə, intellektual müsabiqə, yarış və sosial aksiyaların, məktəblilərin əl işlərindən ibarət sərgilərin keçirilməsi, xalqımızın adət-ənənələrinin yer aldığı kinofilmlərin nümayişi, mənəvi dəyərlərimizi əks etdirən guşə və divar qəzetlərinin hazırlanması nəzərdə tutulur.
Məktəbimizdə həmin layihənin tədbirlər planına uyğun olaraq məktəbdaxili tədbirlər planı hazırlanıb və icrasına başlanıb .
Tədbirlər planına uyğun olaraq 14 mart 2024-cü il tarixində Azərbaycan dili və Ədəbiyyat müəllimləri Mövsümova Nübar və Allahverdiyeva Elnarə öz sinif şagirdləri ilə birlikdə "Dəyərlərimizi qoruyaq " mövzusunda təşkilat saatları keçirdilər. Əvvəlcə müəllimlər şagirdlərə Novruz adət - ənənələri , bayramın tarixi haqqında məlumat verdi. Daha sonra uşaqlar hazırladıqları musuqi nömrələrini, səhnəcikləri, şeirləri nümayiş etdiriblər.
