Son zəng
Bakı şəhəri 276 №-li tam orta məktəbdə bu gün “Son zəng” tədbiri keçirilmişdir. Tədbirdə Binəqədi Rayon İcra Hakimiyyətinin başçısı Elxan Allahverdiyev , Bakı şəhəri üzrə Təhsil İdarəsinin müdir müavini Hüseyn Əsgərov da iştirak etdilər. Öncə 276 saylı məktəbin direktoru Bəhram Şiriyev şagirdləri, müəllimləri və qonaqları salamladı. Daha sonra isə Bakı şəhəri üzrə Təhsil İdarəsinin müdir müavini Hüseyn Əsgərov və Binəqədi Rayon İcra Hakimiyyətinin başçısı Elxan Allahverdiyev çıxış edərək Son zəng münasibətilə məzunları təbrik etdilər, onlara gələcək həyatlarında yeni yeni uğurlar arzuladılar.
Sonra tədbir bədii hissə ilə davam etmişdir. Balaca 1-cilər şeirlər söyləmiş, rəqs etmiş, mahnılar ifa etmişlər. Kiçik konsert proqramı tədbirdə iştirak edən hər kəsə xoş dəqiqələr yaşatmışdı. Tədbirin sonunda “Son Zəng” çalınmışdır.
