"Müasir məktəb və onun şagirdi" adlı dəyirmi masa keçirilib
276 nömrəli tam orta məktəbdə Məktəblinin Dostlarının təşkilatçılığı ilə "Müasir məktəb və onun şagirdi" adlı dəyirmi masa keçirilib. Əsas məqsəd şagirdlərin tədqiqatçılıq, sərbəst fikir yürütmək və müzakirə etmək bacarıqlarının inkişaf etdirilməsi, eləcə də məktəbdə baş verən problemlərə, onların həlli yollarına şagirdlərin yanaşma tərzini öyrənməkdən ibarət olub.
Müzakirədə məktəbin direktoru Bəhram bəy Şiriyev başda olmaqla digər müəllimlər də iştirak edib. Şagirdlər görüşün sonunda yazılı olaraq öz rəylərini bildiriblər.
