Heydər Əliyev dərsi
Ulu Öndər Heydər Əliyevin çox zəngin siyasi irsinin öyrənilməsi Bakı şəhəri üzrə Təhsil İdarəsinin Yeni Azərbaycan Partiyası Binəqədi rayon təşkilatı arasında razılaşdırılmış tədbirlər planına uyğun olaraq Binəqədi rayon 276№-li tam orta məktəbin XI sinif şagirdləri ilə ilk dərs keçirildi.
Dərs Azərbaycan xalqının Ümummilli lideri Heydər Əliyevin əziz xatirəsinin bir dəqiqəlik sükutla yad edilməsi ilə başladı.
Tədbiri giriş sözü ilə məktəbin direktoru, Əməkdar müəllim Bəhram Şiriyev “Ulu Öndər Heydər Əliyev irsi və gənclik” mövzusunda təşkil edilmiş dərslərin mahiyyətindən, dahi şəxsiyyətin həyat və fəaliyyətinin gənc nəslə ötürülməsinin mahiyyətindən danışdı.
Məktəbin tarix müəllimi, Əməkdar müəllim Elxan Quliyev isə “Xarici siyasətdə uğurlar” mövzusunda çıxış etdi.
Dərs zamanı Ulu Öndər haqqında video-film nümayiş etdirildi.
Sonda şagirdləri maraqlandıran suallar cavablandırıldı.