Xocalı əsrin faciəsi
26 fevral 2024-cü tarixində məktəbin akt zalında tarix müəllimi Xurşudova İlhamənin rəhbərliyi ilə Xocalı faciəsinin 32-ci ildönümü ilə bağlı "Xocalı əsrin faciəsi" adlı tədbir keçirildi. Tədbirdə 269 nömrəli tam orta məktəbin rəhbərliyi, şagird və müəllim kollektivi iştirak etdi. İlk öncə Azərbaycan Respublikasının Dövlət Himni səsləndirildi.Daha sonra şəhidlərimizin ruhu bir dəqiqəlik sükutla yad edildi.Şagirdlərin çıxışında Xocalı soyqırımına həsr olunmuş ədəbi bədii kompozisiya, şeirlər, bayatılar, mahnılar dinlənildi.Keçirilmiş tədbirdə şagirdlərə Xocalı faciəsi haqqda geniş məlumat verildi. 1992-ci il fevralın 26-da Ermənistan hərbi birləşmələri 7 min əhalisi olan Xocalı şəhərində genosid aktı həyata keçirməsi, Ermənistan hərbi birləşmələrinin şəhərə hücumu zamanı burada yalnız 3 minə yaxın insanın qalması , mühasirədə qaldığı 4 aydan artıq zaman ərzində blokadada olduğu üçün əhalinin xeyli hissəsinin şəhərdən çıxmaq məcburiyyətində qaldığı şagirdlərə yenidən xatırladıldı. Xocalı soyqırımı zamanı 613 nəfərin öldürüldüyü 1000 nəfər müxtəlif yaşlı dinc sakinin aldığı güllə yarasından əlil olduğu ,106 nəfər qadın, 63 azyaşlı uşaq, 70 qocanın öldürüldüyü,8 ailənin tamamilə məhv edildiyi , faciə baş verən gecə 1275 nəfər dinc sakininin girov götürüldüyü, onların 150-sinin taleyinin indi də məlum olmadığı böyük ürək ağrısı ilə anıldı.Tədbirin sonunda məktəbin direktoru Aygün xanım Əzizova tariximizin qanlı səhifələrini unutmamağı və bunu gələcək nəsillərə ötürməyinizi diqqətə çatdırdı.
