Peşələr Festivalı
Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi tərəfindən ölkəmizdə Bakı şəhərində Peşələr Festivalı keçirilib. Yeniyetmə və gənclərin müasir əmək bazarı barədə məlumatlılığının və peşələrə marağının artırılmasında, əmək bazarının tələblərinə uyğun peşə seçimində festivalın rolu iştirakçılar tərəfindən yüksək qiymətləndirilib. “Öyrən, Əylən, Peşəni seç” devizi altında müxtəlif peşələr üzrə ekspertlərin iştirakı ilə keçirilən festivalda iştirakçılar peşələr üzrə hansı bacarıqların tələb olunduğunu öyrənmək şansı qazanıblar. Festivala məktəb rəhbərliyi Aygün xanım Əzizova, təşkilatçı müavin Nəzrin Vəkilova və müəllimlərimizlə bərabər məktəbimizin şagirdləridə iştirak etdilər. Onlar gələcəkdə əmək bazarının necə formalaşacağı və peşələr üzrə hansı bacarıqların tələb olunacağı barədə məlumatlar, peşələrlə əyani şəkildə tanış olmaq imkanı əldə etdilər. Hər kəs festivaldan xoş təəssüratla ayrıldı.
