Xocalı harayı
"Bütövlükdə Azərbaycan xalqına qarşı yönəldilmiş Xocalı soyqırımı öz ağlasığmaz qəddarlığı və qeyri-insani cəza üsulları ilə bəşər tarixində bir vəhşilik aktıdır. Bu soyqırım, eyni zamanda, bütün bəşəriyyətə qarşı tarixi bir cinayətdir." 24 fevral 2016-cı il tarixində məktəbimizdə Xocalı soyqırımının 24-cü ildönümünə həsr olunmuş tədbir Ulu Öndərin bu sözləri ilə başladı. Tədbiri giriş sözü ilə açan məktəbin direktoru tariximizin şanlı səhifələri ilə qürurlanmağı, qanlı səhifələrindən isə ibrət götürməyi tövsiyə etdi. Tədbirdə Heydər Əliyev fondu tərəfindən azərbaycanlıların soyqırımına həsr olunmuş video çarxın nümayişi şagirdlərin göz yaşları ilə izlənildi. Yuxarı sinif şagirdlərinin iştirakı ilə nümayiş etdirilən ədəbi-bədii kompazisiya şagirdlərdə kədər, bədbinlik deyil, vətənpərvərlik, sabaha inam, əzimkarlıq hissləri oyatdı.
