III siniflərdə monitorinq təşkil edilmişdir.
255 nömrəli məktəbdə 14.03.2025-ci il tarixində məktəbin fəaliyyət planına uyğun olaraq, III sinif şagirdlərinin Azərbaycan dili və riyaziyyat fənləri üzrə əsas bacarıqlarının qiymətləndirilməsi məqsədilə monitorinq təşkil edilmişdir. Monitorinq çərçivəsində Azərbaycan dili fənni üzrə şagirdlərin oxuyub-anlama bacarıqları, riyaziyyat fənni üzrə isə riyazi hesablama bacarıqları yoxlanılmışdır.
Təhlil prosesində şagirdlərin mövcud bilik və bacarıq səviyyələri müəyyən edilmiş, onların inkişaf dinamikası izlənmiş və potensial çətinliklər aşkarlanmışdır. Monitorinqin nəticələri tədris prosesinin təkmilləşdirilməsi, fərdi yanaşmaların tətbiqi və mövcud metodiki strategiyaların effektivliyinin artırılması istiqamətində mühüm məlumatlar təqdim etmişdir. Bu cür monitorinqlər, şagirdlərin bilik və bacarıqlarını inkişaf etdirmək üçün əlavə dəstək mexanizmlərinin formalaşdırılmasına və təlim prosesinin daha məqsədyönlü şəkildə təşkilinə imkan yaradır.
