255 nömrəli məktəbdə yeni layihə start götürdü!
Təhsildə inkişaf və innovasiyalar üzrə VIII qrant müsabiqəsi çərçivəsində, şagirdlərinin PİSA testində yüksək nəticə əldə etməsi məqsədilə KhanAcademyAzərbaycanca platforması üzərindən 5-ci sinif şagirdlərinə riyaziyyat və həndəsə üzrə 6 ay boyunca dərslər keçiriləcək.
Layihədə ilkin qiymətləndirmə zamanı riyaziyyat fənni üzrə ən zəif nəticə göstərmiş şagirdlər iştirak edirlər. Layihə ilk gündən etibarən şagirdlərin böyük marağına səbəb olub və onların riyaziyyatı daha maraqlı və effektiv şəkildə öyrənməsinə dəstək verir.
Ev tapşırıqları Khan Academy Azərbaycanca platforması üzərindən təyin ediləcək və müəllimlər nəticələri asanlıqla izləyə biləcəklər.
Bu cür innovativ yanaşma ilə şagirdlərimizin daha yüksək nəticələr əldə edəcəyinə inanırıq!
#KhanAcademyAzərbaycanca #Təhsil #Riyaziyyat #PİSAtesti #VIIIqrantmüsabiqəsi
