"9 may Qələbə günü "ilə bağlı tədbir keçirildi.
Sabunçu Rayon 255 nömrəli tam orta məktəbin direktoru Məmmədova Mətanət tədbiri açaraq, belə tədbirlərin keçirilməsinin əhəmiyyətini vurğulayaraq bildirib ki, Böyük Vətən müharibəsinin iştirakçıları, həmin illərdə arxa cəbhədə çalışanlar arasında sağ qalanlar o günlərin canlı şahidləri bu gün hər birimiz üçün əzizdir. Məktəblilər çıxış edərək bildirdilər ki, II Dünya müharibəsində faşizm üzərində əldə olunmuş qələbədə Azərbaycan xalqının öz şərəfli yeri vardır. Müharibə başlananda respublikada orduya səfərbərlik ümümxalq hərakatına çevrilmiş, Azərbaycanın ordu sıralarına 680 min nəfərdən çox insan səfərbərliyə alınmış, 260 min nəfərə qədər evdar qadın, təqaüdçü, yeniyetmə istehsalata gəlmişdir.
