Zəfər Günü
Bakı Şəhəri üzrə Təhsil İdarəsinin ''27 sentyabr Anım Günü və 8 noyabr Zəfər Günü'' ilə bağlı Tədbirlər Planının təsdiq edilməsi barədə 08.09.2021-ci il tarixli F -191 nömrəli əmrinin icrasını təmin etmək üçün Məktəbin Tədbirlər Planı hazırlanmışdır. Tədbirlər Planına uyğun olaraq 8 noyabr “Zəfər Günü” qələbəsinin ildönümü münasibəti ilə məktəbin 7A sinif şagirdlərinin təşkilatçılığı ilə tədbir keçirildi. İlk növbədə canlarını ölkəmizin ərazi bütövlüyü və suverenliyi uğrunda qurban vermiş şəhidlərimizin xatirəsi bir dəqiqəlik sükutla yad edildi. Tədbirdə Vətən müharibəsi Qaziləri iştirak edərək ürək sözlərini və təşəkkürlərini tədbir iştirakçılarına çatdırdılar. Şagirdlər vətənpərvərlik ruhunda müxtəlif rəqs nümunələri, mahnı və şeirlərlə çıxış etdilər.
