“Lütfi Zadə adına Məktəblilərarası II Məntiq Olimpiadası”nın qaliblərinin mükafatlandırılması
Martın 9-da Lütfi Zadə adına Məktəblilərarası II Məntiq Olimpiadası qaliblərinin mükafatlandırılması mərasimi keçirilib.BŞTİ-nin tabeliyindəki 20 nömrəli məktəb-liseydə təşkil olunan tədbirdə əvvəlcə olimpiadanın gedişi və qaliblərdən bəhs edən videoçarx nümayiş olunundu. BŞTİ-nin və “İstək” liseyinin birgə təşkilatçılığı ilə keçirilən olimpiadanın əsas məqsədi şagirdlərin məntiqi biliklərinin artmasına təkan vermək, onlara beynəlxalq, yerli olimpiadalar və bu kimi digər bilik yarışlarında iştirak təcrübəsi qazandırmaq, istedadlı, xüsusilə məntiqi təfəkkürü daha yaxşı inkişaf etmiş şagirdləri aşkara çıxarmaq, onları həvəsləndirmək və elmə maraqlarını artırmaqdır.Bizim məktəbin də 7A sinif şagirdi Məmmədli Nurlan Pəhlivan oğlu 3-cü yeri tutduğuna görə mükafatlandırıldı.
