Narkamaniyaya qarşı mübarizə
23 fevral tarixində məktəbdə narkamaniyaya qarşı mübarizə ilə bağlı tədbir keçirildi. Tədbirdə 10-11-ci sinif şagirdləri, müəllimlər və Xətai rayon Polis idarəsinin rəisi polis polkovniki Murədəli Babayev,Xətai rayon polis İdarəsi rəisinin şəxsi heyyətlə iş üzrə köməkçisi , polis polkovnik-leytenantı İdris Məhərrəmov, Respublika Narkoloji mərkəzin həkimi Asif Kəngərli və.s. iştirak etdilər.Məktəbin direktoru N.S.Bayramov şagirdlərə gənclər arasında sağlam həyat tərzinin təbliğ olunması, narkomanlığın fəsadları haqqında gənclərdə düzgün təsəvvürün formalaşması ilə bir çox fikirlər söylədi.Sonra çıxış üçün söz Xətai rayon Polis idarəsinin rəisi polis polkovniki Murədəli Babayevə verildi. Narkomanlıq insan cəmiyyətinin mənəvi və əxlaqi dəyərlərinə ciddi zərbə vuran, sosial-iqtisadi inkişafa mənfi təsir göstərən, insanların həyat və sağlamlığına böyük təhlükə yaradan, həmçinin cinayətkarlığın artmasına səbəb olan əsas amillərdən biridir
