ANIM GÜNÜ - TƏDBİR
Məktəbdə 27 sentyabr- Anım Günü münasibətilə tədbir keçirilib. Tədbirdə təhsil ocağının müəllim-şagird kollektivi ilə yanaşı, şəhidlərinin ailələri və valideynlər də iştirak edirdilər.
27 sentyabr –Anım Gününün əhəmiyyətindən danışan direktor 44 günlük Vətən müharibəsindən, Ali Baş Komandan İlham Əliyevin rəhbərliyi altında Müzəffər Ordumuzun düşmənə sarsıdıcı zərbələr vurmasından, 30 ilə yaxın müddətdə işğal altında saxlanılan torpaqlarımızın azad olunmasından bəhs edərək, vətən müharibəsində şəhid olan igidlərimizin ruhunu dərin hörmət və ehtiramla andığını, onların ruhu qarşısında baş əydiyini bildirib
Tədbirdə çıxış edən şəhid valideynləri övladlarının Vətən müharibəsindəki şərəfli döyüş yolundan söz açıb, onlarla bağlı xatirələrini bölüşüblər.
