AZƏRBAYCANIN MİLLİ QƏHRƏMANI SALATIN ƏSGƏROVA
9 Yanvar Azərbaycanın Milli Qəhrəmanı Salatın Əsgərovanın qətlə yetirildiyi gündür.S.Əsgərova 1961-ci ildə anadan olub.Bakıda 18 saylı orta məktəbi,Azərbaycan Neft və Kimya İnstitutunu bitirmişdir.1984-cü ildə "Bakı qəzetində,1988-ci ildə isə "Molodyoj Azerbaydjana"qəzetində işləməyə başlayıb. Azərbaycanın bütövlüyü,Qarabağ problemi,vətənpərvər oğulların həyatı S.Əsgərovanın yazılarının əsas mövzusu idi.Bu mərd jurnalist qadın tez-tez Qarabağın ən qaynar və odlu nöqtələrində olurdu.1991-ci il yanvarın 9-da düşmən gülləsi S.Əsgərovanın həyatına son qoydu. Salatın Əsgərova Bakıda Şəhidlər Xiyabanında dəfn olunub.Qətlə yetirildiyi Qaladərəsi kəndi Salatınkənd adlandırılıb.Bakı şəhərində adına küçə var.1 oğlu var.
