General Səməd bəy Mehmandarovun 160 illik yubileyi
10 dekabr 2015-ci il tarixində Azad Rzayev adına 223№li tam orta məktəbdə General Səməd bəy Mehmandarovun 160 illik yubileyinə həsr edilmiş tədbir keçirilmişdir.Tədbirdə məktəbin pedaqoji kollektivi və şagird kollektivi iştirak etmişdir. General Səməd bəy Mehmandarov haqqında məktəbin tarix müəllimi Məcidova Mira Səlim qızı məlumat vermişdir. General Səməd bəy Mehmandarovun həyat və yaradıcılığı haqqında məlumat verərək bildirdi ki, Səməd bəy Mehmandarov Azərbaycan tarixində görkəmli şəxsiyyətdir. O, fəaliyyətinə başladığı 1875-ci ildən- 20 yaşından vətən və xalq üçün çox önəmli işlər görmüşdür.Tədbirdə iştirak edənlər onun şəninə bildiklərini, eşitdiklərini və onun haqqında çəkilmiş sənədli filmlərdən danışdılar. General Səməd bəy Mehmandarov 1875-ci ildən 1931-ci ilədək böyük həyat yolu keçmişdir.Onu Qafqaz ordusunun komandiri İ.Ç.Yakir 1925-ci ildə nadir artileriyaçı adlandırmışdır. O,1918-ci ildə müstəqil Azərbaycanın 30 minlik ordusunu yaratmağa nail olmuşdur. General Səməd bəy Mehmandarov 1924-1927-ci illərdə Azərbaycanda hərbi sahədə aparılan geniş islahatlarda və tədbirlərdə fəal iştirak etmişdir. General-polkovnik S.Mehmandarov dövrünün görkəmli şəxsiyyətlərindən biri olmuşdur. O, türk və fars dillərini yüksək səviyyədə bilirdi. Ömrünün son üç ilində islam tarixi və fəlsəfə ilə məşğul olmuşdur.General Səməd bəy Mehmandarov 12 fevral, 1931-ci ildə Bakıda vəfat etmişdir
