Novruz Bayramı
16 mart 2017-ci ildə Azad Rzayev adına 223 nömrəli tam orta məktəbdə bahar bayramı münasibəti ilə “Sevimli Bahar” adlı əyləncəli –musiqili tədbir keçirildi. Tədbirdə məktəbin II-VIII sinifləri iştirak edirdi. Tədbiri məktəbin direktoru E.Nailə xanım təbrik çıxışı ilə açdı. Uşaqlara bahar tərəvətli gələcək, işıqlı zəka arzuladı. Sonra məktəblilər öz əyləncəli nömrələri ilə çıxış etdi. Bahar qızın səhnəyə gəlişi alqışlarla qarşılandı.Flora Cəbrayılovanın 4a sinfi “Kasa” milli oyunu , Məhbubə Nəbiyevanın 4c sinfi “Tık-tık xanım “ oyun tamaşasını, Bəsti İsayevanın 2c sinfi “Qırmızı papaq” tamaşasını ,Ulduz Abbasovanın 2e sinfi “Bahar əyləncəsi” tamaşasını , İradə Məmmədovanın 3b sinfi “Haxışta” oyununu , Könül Yusifovanın 5ç sinfi “Arşın mal alan” operasından bir səhnəciyi tamaşaçılar alqışlarla qarşıladı.Tədbirdə bahar qızı ətrafında toplanan Kosa, Keçəl, Tık-tık xanım, Qırmızı papaq obrazları tamaşaçıları əyləndirərək rəqsə dəvət edib , tətbiri daha rəngarəng etdi.Sonda” O, olmasın , bu olsun “ operasından rəqs musiqisi ilə çıxış edən 3a sinif şagirdi Məmməli Nəzrin tətbirə yekun vurdu.
