Zəfər günü
7 noyabr 2024-cü il tarixində Azad Rzayev adına 223 nömrəli tam orta məktəbin kitabxanasında 10 Noyabr Zəfər Günü ilə bağlı dəyirmi masa ətrafında tədbir keçirildi. Tədbirdə kitabxana müdiri Əlizadə Səbinə xanım, məktəbin Azərbaycan dili və ədəbiyyatı müəllimi Aygün Şahbazlı və 7D sinif şagirdləri iştirak etdilər. Səbinə xanım və Aygün müəllim Zəfər Günü ilə bağlı şagirdlərlə söhbət etdilər. Şanlı tariximiz, xalqımızın yaşadığı acı və müsibətlər, zəfəri bizə bəxş edən igid oğullarımız və Ali Baş Komandanımız İlham Əliyevin uğurlu siyasəti haqqında geniş müzakirələr aparıldı. 7D sinif şagirdlərindən Xudaquliyeva Dəniz, Rüstəmli Mələk, Ədürrəhmanova Sevinc Zəfər Günü ilə əlaqədar gözəl şeirlər səsləndirdilər. Canatlı Şöhrət, Nuri Qəhrəman, Şükürov Ömər, Muradlı Kənan, Müzəffərli Məsud, Veysəlli Məhəmməd isə vətən uğrunda canından keçərək xalqımızın yaddaşında və qəlbində əbədiyyət qazanmış şəhidlərimiz haqqında hazırladıqları təqdimatları nümayiş etdirdilər. Şəhidlərimiz-Muxtar Qasımlı, Surxayev Yunis, Əzizli Sadiq, Xudayar Yusifzadə, Pünhan Abbasov, Emil Əsədov və Şahin Qədirov haqqında, onların şücaəti barəsində geniş müzakirələr apardılar.
