Şəhidin doğum günü
10.10.2023-cü il tarixində 223 nömrəli tam orta məktəbin adını daşıyan 20 Yanvar şəhidi Azad Rzayevin doğum gününün 58-ci il dönümü münasibəti ilə tədbir keçirildi. Tədbirdə öncə Vətənimizin bütövlüyü uğrunda canlarından keçən şəhidlərimizin əziz xatirəsi bir dəqiqəlik sükutla yad olundu.
Çıxış edən müəllimlər şəhidlərin döyüş yolunun gələcək nəsillər üçün nümunə olacağını, Vətən uğrunda canını fəda edən qəhrəmanların əbədiyyətədək xalqımızın yaddaşında qalacağını qeyd etdilər. Şəhidin məktəbli nəvəsi və digər şagirdlər tərəfindən şəhidin xatirəsinə, həmçinin vətənə, qələbəyə həsr olunan şeirlər səsləndirildi.
Sonda şagirdlər şəhidin büstü önünə qərənfillər qoydular. Allah bütün şəhidlərimizə rəhmət eləsin.
