20 Yanvar
19 yanvar 2017-ci il tarixində 20 Yanvar qurbanlarının ildönümü münasibətilə Azad Rzayev adına 223 nömrəli tam orta məktəbin akt zalında tədbir keçirildi.Tədbiri giriş sözü ilə məktəbin direktoru Nailə Eyvazova açdı. O, şəhidlərimizin keçdiyi qəhramanlıq səlnaməsini 1 daha vərəqlədi və dedi,unutmayın sizin təhsil aldığınız məktəb 20 Yanvar şəhidinin adını daşıyır. Onun adına layiq olmalısınız. Sonra məktəbin ibtidai sinif müəllimi Mömünə Muradova çıxış edərək o gecə xalqımızın başına açılan müsibətlərdən söhbət açdı. Sonra bədii hissədə 2b sinif şagirdləri o gecə şəhid olan məktəbli İlqar İbrahimovun həyatını kompazisiya şəklində canlandırdılar.Tədbirdə yuxarı sinif şagirdləri şəhid övlad verən ana harayını səsləndirdilər.2a sinif şagirdləri “Ağla qərənfil, ağla.” kompazisiyasını göstərdilər.Körpələrdəki bu üsyan, çağırış hamını kövrəltdi. Sonda şəhidlərin ruhu bir dəqiqəlik sükutla yad olundu. Əllərində qərənfil olan şagirdlər Azad Rzayevin büstü önünə tər qərənfilləri düzdülər.
