20 Yanvar faciəsinə həsr olunmuş sinif saatı
16.01.2017-ci ildə Azad Rzayev adına 223 nömrəli tam orta məktəbin 4b sinfində 20 Yanvar faciəsinin iyirmi yeddinci il dönümü ilə əlaqədar olaraq sinif saatı keçirildi. Tədbirdə şagirdlərlə yanaşı valideynlər də iştirak etdilər.Tədbir sinif müəllimi Flora Cəbrayılovanın 20 Yanvar faciəsi ilə əlaqədar verdiyi məlumatla başladı.Sonra” o günləri” yaşamış valideynlərin çıxışı dinlənildi. Şagirdlərdən bir neçəsi 20 Yanvar faciəsinə həsr olunmuş şeirlər söylədilər. Flora Cəbrayılova həmyerlimiz, məktəbimizin məzunu Azad Rzayevin həyat yolu haqqında məlumat verdi. Bildirdi ki, hal-hazırda məktəbimiz Azad Rzayevin adını daşıyır.Sinif saatının sonunda şagirdlər müəllim və valideynlərin qarşısında söz verdilər ki, şəhidlərimizin qanı bahasına əldə etdiyimiz müstəqilliyi qoruyub saxlayacaq , vətən uğrunda canını fəda verən oğul və qızlarımızın xatirəsini əbədi olaraq uca tutacaqlar.
