Xocalı Soyqırımı
26 fevral 1992 ci ildə Xocalı sakinlərinə qarşı soyqırım törədilmişdir. Azərbaycanlılara qarşı törədilən bu soyqırımdan nə az nə çox düz 28 il keçir. Bəli Azərbaycan xalqı 28 il əvvəl tarix boyu edilən ən böyük işgəncələrdən birinə şahidlik etdilər. Uşaq, yaşlı, qadın demədən ermənilər dinc əhalimizi böyük işgəncələrlə qətlə yetirdilər.
Bu gün Azad Rzayev adına 223 nömrəli tam orta məktəbdə Xocalı Soyqırımının 28-ci il dönümü ilə əlaqədar olaraq tədbir keçirildi. Məktəbimizdə keçirilən tədbirin mahiyyəti uşaqlar arasında vətənpərvərlik ruhunu artırmaq və düşmənin bizə yaşatdığı işgəncələri unutmamalı və unutdurmamağdan ibarət idi.
Tədbirimiz 1 dəqiqəlik sükutla başladı və məktəbin direktoru Eyvazova Nailə müəllimənin çıxışı ilə davam etdi. Daha sonra ana dili və ədəbiyyat müəllimi Əsədov Bakir müəllimin, ibtidai sinif müəlliməsi Eyvazova Aygün müəllimənin çıxışı dinlənildi. Tədbirdə 3e sinifi, 4b sinifi və 7 c sinifinin şagirdlərinin səhnələşdirdiyi çıxışlar oldu. Şagirdlər o günü yaşamış kimi “Ana Harayı”, “Xocalı Gecəsi”, “Çingiz Mustafayevin döyüş anındakı çəkilişini” səhnələşdirdilər.
Sonda məktəbin çəkdiyi “Xocalı” qısametrajlı filimi izlənildi və tədbir hüzünlü anlarla sona çatdı
