“Xitablar” mövzusunda açıq dərs keçirildi
02.04.2019-cu il tarixində 8a sinfində Laləzar İsmayılovanın Azərbaycan dili və ədəbiyyat fənnindən “Xitablar” mövzusunda açıq dərs keçirildi. Dərs təlim standartlarına uyğun olaraq elektron lövhədə aparılmışdır.Müəllim qrup işi təşkil etmiş və qrupları “Humanistlik”, “Keyfiyyətlilik”, “Bərabərlik”, “Varislik”, “Demokratiklik” adlarını verərək təhsil sahəsində dövlət siyasətinin əsas prinsiplərini vurğulamışdır.
Dərs zamanı qruplara təqdim olunan tapşırıqlar bədii nümunələrdən seçilmişdir.Motivasiya “Ögey ana” filmindən fraqmentlə başlamışdır. Şagirdlərin dərsə,Azərbaycan dili və ədəbiyyat fənninə göstərdiyi maraq rəğbətlə qarşılanmışdır.
8a sinfində Laləzar İsmayılova tərəfindən hazırlanmış açıq dərs, dərsi dinləyən məktəb rəhbərliyi və fənn müəllimləri tərəfindən yüksək qiymətləndirilmiş və lazımi tövsiyələr verilmişdir.
