Paytaxt təhsil işçilərinin ağacəkmə aksiyası keçirildi.
Ümummilli lider Heydər Əliyevin anadan olmasının 95 illik yubileyi ilə əlaqədar Bakı Şəhəri üzrə Təhsil İdarəsi tərəfindən ağacəkmə aksiyası keçirildi.Aksiyada Bakı Şəhəri üzrə Təhsil İdarəsinin müdiri Məhəbbət Vəliyeva, İdarənin müvafiq struktur bölmə rəhbərləri və əməkdaşları, məktəb direktorları və direktor müavinləri iştirak etdi.
BŞTİ-nin müdiri Məhəbbət Vəliyeva ənənə halını alan bu cür tədbirlərin keçirilməsini yüksək dəyərləndirdi. Məhəbbət Vəliyeva müstəqil Azərbaycanın qurucusu və memarı Heydər Əliyev tərəfindən əsası qoyulmuş ekoloji siyasətin ölkə Prezidenti cənab İlham Əliyevin rəhbərliyi ilə uğurla davam etdirildiyini diqqətə çatdırıldı.
