“Xocalı əsrin faciəsidir” mövzusunda tədbir keçirildi.
23.02.2018-ci il tarixində məktəbdə “Xocalı əsrin faciəsidir” mövzusunda tədbir keçirildi.
Tədbirdə məktəbin direktoru Fikrət Xəlilov 26 il əvvəl fevralın 25-dən 26-na keçən gecə Ermənistan silahlı qüvvələri tərəfindən Rusiyanın 366-cı motoatıcı alayının iştirakı ilə Xocalı şəhərinin mühasirəyə alınması və Azərbaycan xalqına qarşı soyqırımın törədilməsi barəsində ətraflı məlumat verdi.
Xocalı soyqırımı nəticəsində 63-uşaq,106-sı qadın,70-i qoca olmaqla,613 Xocalı sakini qətlə yetirilib,8 ailə tamamilə məhv edilib,25 uşaq hər iki valideynini,130 uşaq valideynlərindən birini itirib.Düşmən gülləsindən 76-sı uşaq olmaqla,487 nəfər yaralanıb.1275 nəfər əsir götürülüb.Əsir götürülənlərdən 15-i nəfərinin,o cümlədən 68 qadın və 26 uşağın taleyi bu günədək məlum deyil.
Məktəbin tarix müəllimləri Nuriyyə Xələfova,Rühəngiz Hüseynova və ingilis dili müəllimi Pərvanə Səmədovanın birgə hazırladıqları ssenari əsasında məktəbin şagirdləri 26 il əvvəl Xocalıda erməni silahlılarının rus ordusunun əsgərləri ilə birlikdə xalqımıza qarşı törətdikləri insanlığa sığmayan vəhşiliklər barədə çıxışlar etdi.Tədbirdə vurğulandı ki, yalnız Azərbaycan xalqının Ümummilli lideri Heydər Əliyevin təşəbbüsü ilə 1994-cü ildə Azərbaycan parlanenti tərəfindən ilk olaraq bu faciəyə siyasi qiymət verilib və 26 fevral Xocalı soyqırımı günü kimi qeyd edilir.
Tədbirdə ermənilər tərəfindən xalqımıza qarşı törədilən insanlığa sığmayan vəhşilikləri göstərən videoçarx nümayiş etdirildi.Tədbirin sonunda şagirdlərin nikbin ruhda olan çıxışlarında Azərbaycanın bu günkü qüdrətli ordusu tərəfindən Xocalı şəhidlərinin qisası alınacaq fikirləri vurğulandı.
