Narkotik və psixotrop maddələrin qanunsuz dövriyyəsi qanuna zidd və yorverilməzdir mövzusunda tədbir keçirildi
Məktəbin yuxarı sinif şagirdlərinin iştirakı ilə “Narkotik və psixotrop maddələrin qanunsuz dövriyyəsi qanuna zidd və yorverilməzdir” mövzusunda tədbir keçirildi.
Tədbirdə Bakı Şəhəri Baş Polis İdarəsinin Narkotiklərlə Mübarizə İdarəsinin Baş Əməliyyat müvəkkili polkovnik –leytenant Şirəli Babayev iştirak etdi. Ş.Babayev şagirdlər qarşısında çıxış edərək Narkotik və psixotrop maddələrin istifadəsinin qanunla qadağan edildiyini və bu tipli zərərli vərdişlərin insan həyatında çox acınacaqlı halların baş verməsinə səbəb ola biləcəyini vurğuladı.O, qeyd etdi ki, narkotik və psixotrop maddələrə meyil etmək həmin istifadəçilərdə ilkin olaraq psixoloji asılılıq,sonrakı mərhələdə isə fiziki asılılıq yaradır ki, bu da son nəticədə insanın sağlamlığında çox ciddi problemlər törədir, eyni zamanda həmin insanlar cəmiyyət üçün təhlükəli varlıqlara çevrilir.
Tədbirin sonunda polkovnik-leytenant Şirəli Babayev şagirdləri maraqlandıran suallara cavab verdi.
