20 yanvar faciəsinin 28-ci ildönümü ilə əlaqədar tədbir keçirildi
Məktəbdə 20 yanvar faciəsinin 28-ci ildönümü ilə əlaqədar tədbir keçirildi.Tədbirdə keçmiş sovet dövlətinin hərb maşınının Azərbaycan xalqına qarşı həyat keçirdiyi hərbi təcavüzün insanlığa qarşı törədilmiş ən ağır cinayətlərdən biri olduğu vurğulandı.Ölkəsinin azadlığı və müstəqilliyi uğrunda mübarizəyə qalxmış vətənpərvər insanların onları qorumalı olan sovet əsgərləri tərəfindən amansızlıqla qətlə yetirilməsi haqqında şagirdlərə məlumat verildi.
Elnarə Cəbiyevanın hazırladığı bu tədbirdə 3c sinfinin şagirdləri 20 yanvar faciəsi zamanı şəhid olmuş məktəbli şagirdlər İlqar İbrahimov ,Larisa Məmmədova və şəhid tələbə Ülvi Bünyazdazə haqqında şerlər söylədi.
Şagirdlər tərəfindən təqdim olunan bədii nümunələrdə şəhidlərin əziz xatirəsinin əbədi olduğu və heç zaman unudulmayacağı bir daha vurğulandı.
Tədbirdən bir gün əvvəl 3c sinfinin şagirdləri sinif müəllimi Elnarə Cəbiyeva ilə birlikdə Şəhidlər Xiyabanını ziyarət etmişlər.
Tədbir sonunda 20 yanvar faciəsinin 28-ci ildönümü ilə əlaqədar videoçarx nümaiş etdirildi.
