Vətən bölünməzdir mövzusunda ucadan oxu
16 yanvar 2024-cü il tarixində məktəb kitabxanaçılarının təşkilatçılığı ilə IV siniflərdə "Vətən bölünməzdir" məktəbdaxili intizam mövzusunda ucadan oxu təşkil olundu. Əvvəlcə kitabxanaçılar şagirdlərə ucadan oxunun mahiyyəti barəsində məlumat verdilər. Onlarla günün məqsəd və önəmi barədə söhbət aparıldı. Sonra şagirdlər mövzu haqqında yazdıqları esse və məlumatlarını təqdim etdilər, şeirlər danışdılar ,vətənpərvər mövzularda hekayələr oxudular. Bu mövzuda ucadan oxunun əsas məqsədi şagirdlərə vətənpərvərlik hissinin yüksək səviyyədə aşılanmasıdır. Çünki şagirdlər qələm tutub yazı yazmağa, oxumağa başladıqda öyrəndikləri ilk kəlmələr "Ana" və "Vətən" kəlmələridir. Vətənpərvərlik hissi ailədən başlayır, məktəbdə davam etdirilir. Bu səbəbdən kitabxanaçıların təşkilatçılğı ilə ucadan oxunun təşkili yaxın günlərdə digər ibtidai siniflərdə də keçiriləcək
