Heydər Əliyevin anım günü
12 dekabr 2023-cü il tarixində məktəbin kitabxanasında kitabxana müdiri Səkinə Əfəndiyeva, Yaqut Eyvazova və tarix müəllimi Aytac Məmmədova tərəfindən Ümummilli lider Heydər Əliyevin anım günü ilə əlaqədar dəyirmi masa keçirildi. İlk öncə Azərbaycan Respublikasının Dövlət Himni səsləndirildi və Ümummilli Liderin xatirəsi bir dəqiqəlik sükutla yad edildi. Daha sonra tarix müəllimi Aytac Məmmədova çıxışında Ümummilli liderin həyat və fəaliyyəti haqqında şagirdlərə məlumat verdi. Kitabxanaçılar tərəfindən hazırlanan Ümummilli lider Heydər Əliyevə həsr olunmuş videoçarx nümayiş olundu və şagirdlərin ifasında liderin aforizmleri və ona həsr olunan şeirlər dinlənildi . Dəyirmi masanın təşkilində əsas məqsəd Heydər Əliyevin həyat yolunu və siyasətini şagirdlərə daha yaxından tanıtmaq idi. Dahi şəxsiyyət, əbədiyaşar lider, müasir, müstəqil Azərbaycan dövlətinin memarı və qurucusu Heydər Əliyevin xatirəsi xalqımızın qəlbində daim yaşayır və yaşayacaqdır.