“Kiçik tədqiqatçılar” komandalarının təşkili
İbtidai sinif şagirdlərində tədqiqatçılıq bacarığını inkişaf etdirmək, elmi-tədqiqat fəaliyyətinə meyilli olan istedadlı şagirdləri vaxtında aşkara çıxarmaq, onların gələcəkdə “Kiçik Akademiya”larda, elmi cəmiyyətlərdə, intellektual klub və dərnəklərdə təmsil olunmasını təmin etmək, tədqiqatçılıq bacarığı ilə fərqlənən şagirdlərdə məruzə ilə çıxış etmək, referatlar hazırlamaq, birgə layihələrdə iştirak etmək vərdişləri formalaşdırılmasına əlverişli şərait yaratmaq məqsədilə Bakı Şəhəri üzrə Təhsil İdarəsinin “Kiçik tədqiqatçılar” müsabiqəsinin keçirilməsi barədə F-436 nömrəli 21.11.2019-cu il tarixli əmri qəbul edilmişdir.
Müsabiqədə iştirak etmək üçün məktəbin II-IV sinif şagirdlərindən ibarət kiçik tədqiqatçılar komandaları nın yaradılması ilə əlaqədar iclas keçirilmişdir. İclasda komandalar və komandalara rəhbərlik edəcək müəllimlər müəyyənləşdirilmişdir. 26.11.2019-02.12.2019-cu il tarixlərdə müsabiqənin məktəbdaxili mərhələsini təşkil ediləcək, qalib komanda haqqında sifariş formasını və komandanın təqdiqat işini 10 dekabr 2019-cu il tarixədək Təlimə Dəstək Mərkəzinə göndəriləcək.
Rayon mərhələsi 11-13 dekabr 2019-cu il tarixlərdə təşkil olunacaqdır. Bu mərhələdə komandaların tədqiqat işləri ixtisaslı kadrlardan yaradılmış Münsiflər heyəti tərəfindən qiymətləndiriləcək.
Müsabiqənin Bakı şəhər mərhələsi 18-20 dekabr 2019-cu il tarixlərdə təşkil olunacaqdır. Bu mərhələdə komandaların tədqiqatları Münsiflər heyəti tərəfindən dinləniləcək və qalib komandalar müəyyənləşəcək.
