12-ci Azərbaycan Beynəlxalq Təhsil Sərgisi
Oktyabrın 11-də Bakı Ekspo Mərkəzində 12-ci Azərbaycan Təhsil Sərgisinin açılış mərasimi keçirilib.
Açılış mərasimində Prezident Administrasiyasının Humanitar siyasət məsələləri şöbəsinin müdiri Fərəh Əliyeva, təhsil naziri Ceyhun Bayramov, təhsil müəssisələrinin rəhbərləri, müxtəlif təhsil xidmətləri göstərən qurumların nümayəndələri iştirak edib.
Mərasimdə çıxış edən təhsil naziri Ceyhun Bayramov bildirib ki, “Uşaqların gələcəyinə sərmayə” devizi altında təşkil edilən sərgi dünyanın 12 ölkəsindən 130-dan çox iştirakçını bir araya gətirib. Təhsil Nazirliyinin son illərdə təhsilin inkişafı sahəsində həyata keçirdiyi islahatların ayrı-ayrı pavilyonlarda əksini tapdığını vurğulayan nazir sərginin ziyarətçilər üçün faydalı olacağını deyib.
Sərgidə məktəbimizin şagirdləri də iştirak edib. Şagirdlərimiz maraqlandığı təhsil ocağı haqqında geniş məlumat ala biliblər.
