Bülbülün 120 illik yubileyinə həsr edilmiş tədbir keçirilmişdir
Azərbaycan Respublikası Təhsil nazirinin 03.08.2017-ci il tarixli 235№li əmrinin icrası ilə bağlı 05 oktyabr 2017-ci il tarixdə 177 nömrəli tam orta məktəbdə Bülbülün 120 illik yubileyinə həsr edilmiş tədbir keçirilmişdir. Tədbir məktəbin müəllimi olan Məlikova Aynurə tərəfindən təşkil edilmişdir. Tədbirdə şagirdlər Bülbülün yaradıcılığından məlumat vermiş, Bülbülün ifa etdiyi əsərləri səsləndirmiş, onun mahnılarına qurulmuş rəqslər ifa etmişlər. Daha sonra Bülbülə həsr edilmiş filmdən fraqmentlər nümayiş etdirilmişdir. Tədbirdə məktəbin direktoru Günel Xanlarova, direktor müavinləri və müəllim kollektivi iştirak etmişlər.
