Məktəbimizdə "Anım Günü" keçirildi
Azərbaycan xalqının Ümummilli Lideri Heydər Əliyevin anadan olmasının 94 - cü ildönümü ilə əlaqədar məktəbimizdə "Anım Günü" keçirildi. “Anım günü” adlı tədbir məktəbin akt zalında şagird və müəllim kollektivinin iştirakı ilə təşkil edildi. Şagirdlərimiz böyük məhəbbətlə, sevgi ilə şeirlər söylədilər, böyük şəxsiyyətin şərəfinə mahnılar oxudular, rəqs nümayiş etdirdilər. Onların söylədikləri şeirlərdə Heydər dühası, sevgisi, xalqına məhəbbət kimi hisslər tərənnüm edildi. Heydər Əliyev bütün varlığı ilə sevdiyi Azərbaycanın müstəqilliyini möhkəmləndirmək, inkişaf etmiş sivil dünya dövlətləri cərgəsinə çıxarmaq arzusu ilə yaşamış və bu arzunun reallaşmasına bütün həyatını qurban vermişdir. Böyük şəxsiyyət hər zaman demişdir: “Mən həmişə fəxr etmişəm, bu gündə fəxr edirəm ki, mən Azərbaycanlıyam”. Biz hamımız fəxr edirik ki, biz Azərbaycanlıyıq!
