171 №-Lİ TAM ORTA MƏKTƏB

“ƏN YAXŞI MƏKTƏB SAYTI” MÜSABİQƏSİNİN QALİBİ OLDUQZaur Məmmədov adına 171 nömrəli tam orta məktəb Bakı Şəhəri üzrə Təhsil İdarəsi müdirinin 7 oktyabr 2017-ci il tarixli 170 nömrəli əmri ilə təsdiq edilmiş paytaxt məktəbləri arasında təşkil edilən “Ən yaxşı məktəb saytı” müsabiqəsinin Xətai rayonu üzrə qalibi oldu. Bakı Şəhəri üzrə Təhsil İdarəsində paytaxt məktəbləri arasında təşkil edilən “Ən yaxşı məktəb saytı” müsabiqəsi qaliblərinin mükafatlandırılma mərasimi keçirildi. Bu mükafatlandırma mərasimində Zaur Məmmədov adına 171 nömrəli tam orta məktəbin direktoru Zemfira Məsiyeva və Tərbiyə işləri üzrə direktor müavini Sima Əhmədova iştirak etdilər. Bu münasibətlə Zaur Məmmədov adına 171 nömrəli tam orta məktəbin kollektivini, eyni zamanda qalib olan digər məktəblərin kollektivini də təbrik edirik. Uğurlarımız davamlı olsun.

Məktəbimiz fəxri fərmanla təltif olunmuşdurBakı şəhəri 171 nömrəli tam orta məktəb IX sinif buraxılış imtahanlarının nəticələrinə əsasən yüksək nailiyyət əldə etdiyi üçün Bakı Şəhəri üzrə Təhsil İdarəsinin müdiri Məhəbbət Vəliyeva tərəfindən FƏXRİ FƏRMANLA təltif olunmuşdur.

Beynəlxaq dərəcəli hakim və dünya çempionuMən Abdullayev Mayıl Əziz oğlu 25.09.1984 Bakı şəhərində anadan olmuşam 1991-ci ildə Xətai rayonu Ələkbər Əliyev adına 204 nömrəli orta məktəbə getmişəm. 2001-ci ildə məktəbi bitrərək Azərbaycan Dövlət Bədən Tərbiyyəsi ve İdman Akademiyasına daxil olmuşam. 1992-ci ildən karatenin Kyokushin növü ilə məşğul oluram. İlk dəfə 1997-ci ildə yarişlara qatilmişam 2003-cü ildə “Qara kəmər 1-ci dan”, 2008-ci ildə İtalyanin Galipoli şəhərində “Qara kəmər 2-ci dan”, 2012-ci ildə Yaponyanın Tokiyo şəhərində “Qara kəmər 3-cü dan”a layiq görülmüşəm. 2013-cü ildə Beynəlxaq dərəcəli hakim adını qazanmışam. 2014-cü ilin noyabir ayında Ukraynanın Xarkov şəhərində Okinava Gocryu və Kobudo Karate üzrə Dünya çempionu olmuşam. Bu naliyyətimi 2017-ci ilin sentyabırın 24-də Gürcüstanın paytaxtı Tiflis şəhərində dünya çempionatında iştirak edərək 1-ci yere layiq görülməklə davam etdirmişəm. 2010-cu ildən Zaur Məmmədov adına 171 nömrəli tam orta məktəbdə fiziki tərbiyə müəllimi işləyirəm. Kyokushinkai Karate IKO MATSUSHIMA üzrə Azərbaycan yığma komandasının baş məşqiçisiyəm. Bir çox dünya ve Avropa çempionu tələbələrim var. Həyatimin 25 ilini idmana həsr etmişəm.