"Bayrağımız qürurumuzdur!" adlı tədbir keçirildi
8 noyabr 2019-cu il tarixində Zaur Məmmədov adına 171 nömrəli tam orta məktəbdə 9 Noyabr Dövlət Bayrağı Gününə həsr olunmuş “Bayrağımız qürurumuzdur!” adlı tədbir keçirildi. Tədbir Azərbaycan Respublikasının Dövlət Himnin oxunması ilə başladı. Ümummilli Lider Heydər Əliyevin və Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin bayraq haqqında söylədiyi fikirləri özündə əks etdirən, 5100 metrlik Dövlət Bayrağının əsgər və zabitlər tərəfindən qürurla çiyinlərində daşınmasını, Azərbaycanın Milli Qəhrəmanlarına və Ramil Səfərova həsr olunmuş videoçarxlar nümayiş etdirildi.
Şagirdlər Azərbaycan, Vətənə, bayrağa həsr olunmuş şeirlər söylədilər, mahnılar oxudular, vətənpərvərliyə həsr olunmuş səhnəcik nümayiş etdirdilər.
Tədbirin sonunda məktəbin direktoru Zemfira Məsiyeva çıxış edərək hər bir şagirdin, vətəndaşın bayrağı sevməsini, dövlət artibutlarına hörmətlə yanaşmağını tövsiyyə etdi və Bayraq Günü münasibətilə tədbir iştirakçılarını, bütün Azərbaycan xalqını təbrik etdi.
Tədbirdə şagirdlər, müəllimlər və valideynlər iştirak etdi.
