Xalq yazıçısı İsmayıl Şıxlının 100 illik yubileyi ilə əlaqədar olaraq tədbir keçirildi
Prezident İlham Əliyevin 28 yanvar 2019-cu il tarixli sərəncamı ilə bu il görkəmli nasir, tanınmış ədəbiyyatşünas, pedaqoq və ictimai xadim, Xalq yazıçısı İsmayıl Şıxlının (1919-1995) 100 illiyi qeyd olunur.
Sərəncamın icrasını yerinə yetirmək məqsədilə Zaur Məmmədov adına 171 nömrəli tam orta məktəbdə Xalq yazıçısı İsmayıl Şıxlının 100 illik yubileyi ilə əlaqədar olaraq tədbir keçirildi. Xalq yazıçının həyat və yaradıcılığına həsr olunmuş videoçarx nümayiş etdirildi.
Məktəbin direktoru Zemfira Məsiyeva Xalq yazıçısı İsmayıl Şıxlının həyat və yaradıcllığı, onun əsərləri haqqında ətraflı məlumat verdi. Ümummilli Lider Heydər Əliyevin Xalq yazıçısı İsmayıl Şıxlı haqqında dediyi sözləri xatırlatdı. Xalq yazıçısı İsmayıl Şıxlının söylədiyi dəyərli fikirləri səsləndirdi.
Xalq yazıçısı İsmayıl Şıxlının həyat və yardacılığı, əsərləri barədə şagirdlərlə və müəllimlərlə fikir mübadiləsi edildi, müzakirələr aparıldı.
Tədbirdə məktəbin 10-cu sinif şagirdləri, Azərbaycan dili və ədəbiyyat müəllimləri, ingilis dili müəllimləri, təlim – tərbiyə işləri üzrə direktor müavini Sima Əhmədova, tərbiyə işləri üzrə director müavini Kənan İSmayılov, metodbirləşmə sədrləri iştirak edirdi. Tədbir şagirdlər və müəllimlər tərəfindən rəğbətlə qarşılandı.
