Şagirdimiz yarışda birinci yer tutdu
Azərbaycan Respublikasında idmanla bağlı dövlət siyasəti Ümummilli Lider Heydər Əliyev hakimiyyəti dövründə formalaşmağa başlamış və bu gün Azərbaycan Respublikasının Prezidenti Cənab İlham Əliyev tərəfindən uğurla davam və inkişaf etdirilir.
1993-cü ildə Ulu Öndər dünya və Avropa miqyaslı yarışlarda yüksək nəticə göstərmiş Azərbaycan idmançılarını qəbul etmişdir. Həmin ildə Azərbaycan Kikboksing və Muey – Tay Federasiyası yaranmışdır.
1 sentyabr 2019-cu ildə Mingəçevir şəhərində Kikboksing idman növündə “Kür”-ə həsr olunmuş yarışda 10-13 yaşlı yeniyetmələr arasında görüşlər keçirildi. Bu yaş qrupunda Zaur Məmmədov adına 171 nömrəli tam orta məktəbin şagirdi Hüseyn Quluzadə də iştirak etmişdir. Yarışda Hüseyn Quluzadə bütün rəqiblərini məğlub edərək birinci yer tutmuşdur. Kəmərə sahib olmuş, diplomla təltif olunmuşdur.
Mükafatı Mingəçevir şəhər Gənclər və İdman İdarəsinin rəisi Kamal Nəcəfli təqdim edib.
171 nömrəli tam orta məktəbin kollektivi adından şagirdimizə gələcək yarışlarında uğurlar arzulayırıq.
