"Tariximizin faciəli səhifəsi"
29.03.2016-cı il tarixində Zaur Məmmədov adına 171 saylı tam orta məktəbdə 31 Mart Azərbaycanlıların soyqırımı günü münasibətilə "Tariximizin faciəli səhifəsi" başlığı altında anım tədbiri keçirildi. Tədbirin məqsədi tariximizdə baş verən soyqırımı xatırlamaq, şagirdlərdə vətənpərvərlik, tariximizi unutmamaq hissi aşılamaq olmuşdur. Tədbirdə məktəb kollektivi, şagirdlər, valideynlər, Xətai rayonu Mərkəzləşdirilmiş kitabxananın rəhbərliyi və əməkdaşları iştirak etmişlər. Tədbir iştirakçıları soyqırım haqqında videoçarx izləmiş, şəkillərdən təşkil olunmuş sərgiyə baxış keçirmişlər. Uşaqlar vətənpərvərlik mövzusunda şeirlər söyləmiş, soyqırımına aid müxtəlif səhnəciklər göstərmişlər.
