“Valideynin məktəbdə bir günü” layihəsi həyata keçirildi
Məlum olduğu kimi 28 yanvar 2019-cu il tarixli F-66 nömrəli əmrdə 20-31 may 2019-cu il tarixlərdə BŞTİ-yə tabe bütün ümumtəhsil məktəblərində “Valideynin məktəbdə bir günü” layihəsinin növbəti mərhələsinin keçirilməsi qeyd olunur.
Bu münasibətlə Zaur Məmmədov adına 171 nömrəli tam orta məktəbdə “Valideynin məktəbdə bir günü” layihəsi həyata keçirildi. İlk olaraq məktəbin böyük akt zalında valideynlərlə məktəb rəhbərliyinin görüşü keçirildi. Valideynləri maraqlnadıran suallara ətraflı cavab verildi. Müzakirələr aparıldı, fikir mübadiləsi edildi. Sonra məktəb rəhbərliyi valideynlərlə birlikdə məktəbin sinif otaqları, fənn kabinetləri, laboratoriyaları, kompüter otağını gəzdilər. Valideynlər şagirdlər üçün yaradılmış şəraitlə tanış oldular.
