İlaxır çərşənbəyə həsr olunmuş tədbir keçirilib
Xətai rayonu Zaur Məmmədov adına 171 saylı tam orta məktəbin böyük akt zalında 15 mart 2016-cı il tarixdə İlaxır çərşənbəyə həsr olunmuş tədbir keçirilib. Tədbirdə şagirdlər, müəllimlər və valideyn icmasının üzvləri iştirak etmişdir. Tədbirin keçirilməsində məqsəd şagirdləri milli adət-ənənələrimizə hörmət və məhəbbət ruhunda tərbiyə etmək, xüsusi istedada malik olan uşaqları üzə çıxarmaq idi. Tədbiri giriş sözü ilə açan məktəbin direktoru Telman Qardaşov iştirakçıları təbiətin oyanışından xəbər verən, insanların qəlbinə bahar təravəti gətirən, süfrələrə xeyir - bərəkət bəxş edən, insanların arzu və ümidlərinin, niyyətlərinin pöhrələnməsini təcəssüm edən İlaxır çərşənbəsi və Novruz bayramı münasibətilə təbrik edib.Sonra şagirdlər şairlərimizin, aşıqlarımızın İlaxır çərşənbəyə Novruza, baharın gəlişinə həsr etdikləri şerlərdən parçalar söyləyib, Novruz şənliklərini əks etdirən səhnəciklər göstəriblər. Onlar xalq inanclarını, deyimlərini tədbir iştirakçılarının bir daha diqqətinə çatdırıblar.
