Şəhidin anım mərasimində iştirak
8 may 2019-cu il tarixində Xətai rayonu üzrə Mərkəzi Kitabxanada 1991-ci ildə Qarabağ uğrunda gedən döyüşlərdə qəhrəmancasına şəhid olmuş Cəbrayılov Rasim Fəzail oğlunun anım gününə həsr olunmuş tədbir keçirildi. Tədbirdə Zaur Məmmədov adına 171 nömrəli tam orta məktəbin müəllim və şagird kollektivi iştirak edirdi. O cümlədən şəhidin bacısı, 171 nömrəli tam orta məktəbin təsviri incəsənət və texnologiya müəllimi Məlahət Cəbrayılova, UBTR Günay Dəmirova, 171 nömrəli tam orta məktəbin 5 c sinif şagirdləri, qazilər və jurnalistlər, 5 nömrəli Uşaq - Gənclər İnkişaf Mərkəzinin müəllim və şagird kollektivi iştirak edirdi. Tədbiri kitabxana müdiri açıq elan etdi. Daha sonra qazilər, şəhidin bacısı nitq söylədi. O qardaşının həyatı, onun qəhrəmanlıq yolunu tədbir iştirakçılarının diqqətinə çatdırdı. Sonda şagirdlər şəhidlərin xatirəsinə həsr ounmuş şeirlər və mahnılar səsləndirdilər.
