Ümummilli lider Heydər Əliyevin doğum gününə həsr olunmuş “Düşünən beyinlər” adlı viktorina keçirildi
10 may 2019-cu il tarixdə Zaur Məmmədov adına 171 nömrəli tam orta məktəbin 2a , 2b , 2c sinif şagirdləri arasında sinif rəhbərləri Nüşabə Bilalova, Lamiyə Qasımova və Elnarə Sultanovanın rəhbərliyi ilə Heydər Əliyevin doğum gününə həsr olunmuş “Düşünən beyinlər” adlı viktorina keçirildi. Viktorinada siniflər “Hazırcavablar”, “Çoxbilmişlər” və “Dostluq” adlı masalar ətrafında komandalara bölündülər. Üçbucaq formasında düzülmüş komandalar birgəliyin, əməkdaşlığın təcəssümü idi. Viktorinada ulu öndər Heydər Əliyevin həyat və fəaliyyətinə dair suallar səsləndirildi. Siniflər növbəli şəkildə sual-cavabda iştirak etdilər. Daha sonra şagidlər tərəfindən dahi rəhbərə həsr olunmuş seir və musiqilər səsləndirildi. Viktorinın sonunda komandalar diplomlarla mükafatlandırıldı.
